Іле Алатауында Қызыл кітаптағы қос жыртқыш жаңа шатқалдан тіркелді

Іле Алатауы аумағында сирек кездесетін жыртқыштар кезекті рет бейнетіркеуге түсті. Фототұзақтарға Қазақстанның Қызыл кітабына енгізілген қар барысы – Panthera uncia және Түркістан сілеусіні – Lynx lynx isabellinus ілікті.

Бұл жолы жануарлар тек тұрақты мониторинг нүктесінде ғана емес, өзге шатқал аумағында да тіркелген. Мамандардың дерегінше, бейнежазбалар олардың белсенді қозғалысын және аумақтық мінез-құлық белгілерін көрсетеді.

Әрбір бейнематериал ғылыми тұрғыда сараланып, дарақтарды жеке сәйкестендіру жұмыстары жүргізіледі. Ұлттық парк аумағында сирек түрлерді қорғау және мониторинг шаралары жүйелі түрде жалғасуда.