Іле Алатауы мемлекеттік ұлттық табиғи паркінің Үлкен Алматы орманшылығында ұлттық парк қызметкерлері мен Medservice Plus компаниясының ұжымы «Таза Қазақстан» және «Парктер шеруі» акциялары аясында “Мөлдір бұлақ” экологиялық табиғат қорғау іс-шарасын өткізді.
Акцияға қатысушылар аумақты тазалау жұмыстарына жұмыла кірісіп, үлкен ынтамен еңбек етіп, табиғатты таза ұстауға өз үлестерін қосты. Әрқайсысы ортақ іске жауапкершілікпен қарады.
Іс-шара барысында Kusto Group компаниясы да бастаманы қолдап, тазалық жұмыстарына белсенді атсалысты.
Бұндай бастамалар экологиялық және әлеуметтік жауапкершілікті арттыруға бағытталған. Біз үшін табиғатты қорғау — болашақ ұрпақ алдындағы маңызды міндет.