Алматы облысында Дүниежүзілік туризм күніне орай туризм саласының өкілдерін салтанатты марапаттау рәсімі өтті.

Іс-шарада Алматы облысы әкімінің бірінші орынбасары Қанат Болатұлы Есболатов өңірдің туристік әлеуетін дамытуға қосқан үлесі үшін Іле Алатауы мемлекеттік ұлттық табиғи паркінің бас директоры Елнұр Ахметовке марапат табыстады.

Аталған марапат ұлттық парктің экологиялық туризмді дамыту, туристік инфрақұрылымды жетілдіру және келушілерге қолайлы жағдай жасау бағытындағы еңбегінің бағаланғанын көрсетеді.